Xalq deputatlari Jondor tumani Kengashi deputati Q.Safarov Prezidentimiz Sh.Mirziyoyev tashabbusi bilan davlat boshqaruvining yagona integratsiyalashgan raqamli platformasini bosqichma-bosqich joriy etish bo‘yicha ilgari surilgan taklifni yuksak ahamiyatga ega tashabbus sifatida baholadi.
✔️Deputatning ta’kidlashicha, mazkur raqamli platforma davlat boshqaruvini zamonaviy talablar asosida tashkil etish, hududlarning ijtimoiy-iqtisodiy holatini aniq baholash hamda mavjud muammolarni tezkor aniqlab, ularni samarali hal etish imkoniyatini kengaytiradi. Ayniqsa, hudud iqtisodiyoti, investitsiya, ekologiya, jamoat xavfsizligi, aholini qiynayotgan dolzarb muammolar, mahallalarning farovonlik darajasi, fazoviy ma’lumotlar, obyektlar va xarita qatlamlarining yagona elektron tizimda jamlanishi boshqaruv jarayonlarining shaffofligi va samaradorligini yanada oshiradi.
✔️Raqamli texnologiyalarni davlat boshqaruviga keng joriy etish orqali qaror qabul qilishda aniq ma’lumotlarga tayanish, budjet mablag‘laridan maqsadli foydalanish, investitsiya loyihalarini samarali monitoring qilish hamda aholi murojaatlariga tezkor munosabat bildirish imkoniyatlari yanada kengayadi.
✔️Shuningdek, mazkur platforma deputatlik faoliyati uchun ham muhim ahamiyat kasb etib, saylov okruglaridagi mavjud muammolarni tahlil qilish, ularning yechimi yuzasidan aniq takliflar ishlab chiqish va ijro jarayonlari ustidan samarali parlament nazoratini amalga oshirishga xizmat qiladi.
✔️Deputat ta’kidlaganidek, mamlakatimizda raqamli davlat boshqaruvini rivojlantirishga qaratilgan bunday islohotlar aholiga yanada qulay va sifatli davlat xizmatlarini ko‘rsatish, hududlarni barqaror rivojlantirish hamda xalq manfaatlarini ta’minlashga xizmat qiladi.