Ta’lim infratuzilmasini rivojlantirish yo‘lidagi muhim loyiha
Xalq deputatlari tuman Kengashi raisi Dilafro‘z Ulug‘boyeva, tuman Maktabgacha va maktab ta’limi bo‘limi mudiri A. Hakimov hamda tuman Kengashi kotibiyati bosh mutaxassisi Sh. G‘afforov Fayziobod mahallasida joylashgan 42-son umumiy o‘rta ta’lim maktabi hududida barpo etilayotgan 210 o‘rinli qo‘shimcha bino qurilish ishlari bilan tanishdi.
Mazkur loyiha O‘zbekiston Respublikasi Prezidentining 2025-yil 27-dekabrdagi PQ–393-son qarori asosida 3 milliard 192 million so‘m mablag‘ evaziga amalga oshirilmoqda.
Tashrif davomida qurilish-montaj ishlarining borishi, loyiha talablariga rioya etilishi, qurilish sifati hamda obyektni belgilangan muddatlarda foydalanishga topshirish masalalari ko‘zdan kechirildi. Shuningdek, mas’ullarga ishlarni sifatli va o‘z vaqtida yakunlash yuzasidan tegishli topshiriqlar berildi.
Bizni kuzatib boring:👇
|📲 Telegram | 💻Facebook