Davlat dasturi va “O‘zbekiston – 2030” strategiyasi ijrosi yuzasidan

👥 Xalq deputatlari Oqdaryo tumani Kengashi tomonidan O‘zbekiston mahallalari uyushmasi Oqdaryo tumani bo‘limi boshlig‘i X.Davronovning “Mahallani rivojlantirish va jamiyatni yuksaltirish yili” Davlat dasturi hamda “O‘zbekiston – 2030” strategiyasining 2026-yil I chorakdagi ijrosi yuzasidan hisoboti o‘rganildi.

📋 O‘rganish davomida O‘zbekiston Respublikasi Prezidentining 2026-yil 16-fevraldagi PF–22-son Farmoni ijrosi doirasida mahallalarda infratuzilmani rivojlantirish, aholi bandligini ta’minlash, kambag‘allikni qisqartirish, tadbirkorlikni qo‘llab-quvvatlash, obodonlashtirish ishlari, ijtimoiy himoya hamda xotin-qizlar va yoshlarni qo‘llab-quvvatlash yo‘nalishlarida amalga oshirilgan ishlar tahlil qilindi.

📊 Shuningdek, davlat dasturida belgilangan maqsadli ko‘rsatkichlarning bajarilishi, mahallalarda "mahalla yettiligi" faoliyati samaradorligi, fuqarolar murojaatlari bilan ishlash, aniqlangan muammolarni bartaraf etish hamda topshiriqlar ijrosini ta’minlash bo‘yicha amalga oshirilgan chora-tadbirlar yuzasidan axborot tinglandi.

🤝 O‘rganish yakunida Davlat dasturi va “O‘zbekiston – 2030” strategiyasida belgilangan vazifalar ijrosini yanada samarali tashkil etish, mavjud kamchiliklarni bartaraf etish hamda ijro intizomini kuchaytirish yuzasidan tegishli tavsiya va takliflar bildirildi.