Xalıq deputatları Bozataw rayonlıq Keńesiniń Jegilikli byudjet, isbilermenlikti rawajlandırıw hám ekonomikalıq reformalar máseleleri boyınsha turaqlı komissiyasınıń gezektegi májilisi bolıp ótti.

Májilis kún tártibinde: Ekonomika hám finans bólimi baslıǵı orınbasarı B.Jumanovtıń Bozataw rayonınıń 2026-jıl 1-sheregi dawamında rayonlıq Ekonomika hám finans bólimi tárepinen ámelge asırılǵan jumıslar haqqında esabat tıńlandı.

Komissiya aǵzaları esabatta keltirilgen kórsetkishlerdi keńnen talqılap, rayon byudjetiniń orınlanıwı, qarjılardıń maqsetli hám nátiyjeli jumsalıwı, isbilermenlikti qollap-quwatlaw, investiciyalıq joybarlardıń ámelge asırılıwı, sonday-aq ekonomikalıq reformalardıń orınlanıw barısına baylanıslı óz pikir hám usınısların bildirdi.

Májilis dawamında tiyisli shólkem baslıqlarına byudjet qarjıların únemli paydalanıw, salıq túsimlerin arttırıw, isbilermenlik subyektleri menen islesiwdi kúsheytiw hám belgilenǵen tapsırmalardı óz waqtında orınlaw boyınsha tiyisli usınıslar berildi.

Májilis juwmaǵında kún tártibindegi másele boyınsha turaqlı komissiyanıń tiyisli qararı qabıllanıp, bildirgen usınıs hám tapsırmalardıń orınlanıwın boyınsha komissiya tárepinen qadaǵalap barılıwı belgilendi.