Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq Kengash raisi O.Babayev tomonidan tuman “Inson” ijtimoiy xizmatlar markazi tomonidan aholiga ko‘rsatilayotgan xizmatlar turlari va sifati yuzasidan o‘rganish o‘tkazildi.

O‘rganish davomida markaz tomonidan nogironligi bo‘lgan shaxslar, yolg‘iz keksalar, ijtimoiy himoyaga muhtoj oilalar, og‘ir hayotiy vaziyatga tushib qolgan fuqarolar hamda boshqa ehtiyojmand qatlamlarga ko‘rsatilayotgan xizmatlar holati bilan tanishildi. Shuningdek, murojaatlarni qabul qilish, ularni ko‘rib chiqish muddatlari, ijtimoiy xizmatlarni manzilli tashkil etish va fuqarolar bilan ishlash samaradorligi o‘rganildi.

Markaz rahbariyati va xodimlari bilan o‘tkazilgan suhbat davomida aholiga qulay va sifatli xizmat ko‘rsatish, murojaatlarga o‘z vaqtida yechim topish hamda ijtimoiy himoyaga muhtoj shaxslarni har tomonlama qo‘llab-quvvatlash masalalari yuzasidan fikr almashdi.

Shuningdek, markazda xizmat oluvchilar uchun yaratilgan shart-sharoitlar, moddiy-texnik baza, elektron axborot tizimlaridan foydalanish holati va xizmat ko‘rsatish madaniyati ham ko‘zdan kechirildi. Fuqarolar bilan muloqotlar davomida ularning markaz faoliyatidan qoniqish darajasi ham o‘rganildi.