Hududda amalga oshirilayotgan ishlar o‘rganildi.

Xalq deputatlari tuman Kengashining 20-Bo‘ston saylov okrugidan saylangan tuman kengashi deputati F.Temirov Bo‘ston mahallasida hokim yordamchisi tomonidan amalga oshirilayotgan ishlar samaradorligini o‘rgandi.

O‘rganishlar davomida aholini kambag‘allikdan chiqarish, ishsiz fuqarolarni bandligini ta’minlash, oilalarni tadbirkorlikka jalb qilish hamda daromad manbalarini kengaytirish borasida olib borilayotgan ishlar tahlil qilindi.

Shuningdek, “temir daftar”, “ayоllar daftari” va “yoshlar daftari”ga kiritilgan fuqarolar bilan olib borilayotgan ishlar, ularga ko‘rsatilayotgan amaliy yordamlar holati ham ko‘zdan kechirildi.

Deputat tomonidan hududdagi mavjud muammolarni bartaraf etish va aholi turmush farovonligini yanada oshirish yuzasidan tegishli tavsiya va takliflar berildi.