Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq Kengash raisi O.Babayev va kotibiyati mudiri J.Sadirov tomonidan tumanning “Birlik” mahallasi Uchtosh ko‘chasida olib borilayotgan asfaltlashtirish ishlari o‘rganildi.

Mahallaning mazkur ko‘chasi 2026-yilning 1-mavsumida “Ochiq budjet” loyihasi doirasida asfaltlashtirish taklifi bo‘yicha g‘olib deb topilgan bo‘lib, o‘rganish davomida pudratchi tashkilot tomonidan asfaltlashtirish ishlari belgilangan qurilish me’yorlari va texnik talablar asosida davom ettirilayotgani ko‘zdan kechirildi. Xususan, yo‘l asosini tayyorlash, asfalt qoplamasining qalinligi, tekisligi, sifatli zichlanishi va boshqa texnologik jarayonlarga alohida e’tibor qaratilgani qayd etildi.

O‘rganish yakunida mas’ullarga barcha qurilish-montaj ishlarini belgilangan muddatlarda, yuqori sifat va amaldagi me’yoriy talablarga to‘liq rioya qilgan holda yakunlash yuzasidan tegishli tavsiyalar berildi.