So‘nggi yillarda mamlakatimizda tinchlik va osoyishtalikni ta’minlashning mutlaqo yangi mexanizmlarini joriy etish, huquqbuzarlikni sodir etishga sabab bo‘layotgan ijtimoiy-maishiy muammolarni ijtimoiy profilaktika choralari tizimi orqali hal etish hamda aholida shaxsiy xavfsizlik hissini shakllantirish borasida samarali chora-tadbirlar amalga oshirildi.

Xalq deputatlari Mirzo Ulug‘bek tumani Kengashi kotibiyati mudiri Shoanvar Shomaxmudov tomonidan Mirzo Ulug‘bek tumanidagi “Sayram” mahallalasida huquqbuzarlik va jinoyatlarni barvaqt aniqlash hamda oldini olishga qaratilgan profilaktik faoliyat, shuningdek, mas’ul shaxslar tomonidan amalga oshirilayotgan ishlar o‘rganildi.

O‘rganish jarayonida mahallada kriminogen vaziyatga bevosita va bilvosita ta’sir ko‘rsatayotgan omillar, huquqbuzarlik va jinoyat sodir etilishiga zamin yaratayotgan ijtimoiy-maishiy muammolar, shuningdek, profilaktika subyektlari faoliyatining samaradorligi tahlil qilindi.

Shuningdek, mahalla faollari va profilaktika inspektorlari bilan hamkorlik yo‘lga qo‘yilgani, mahallalar hududiga kirish, chiqish yo‘llarida hamda savdo va xizmat ko‘rsatish nuqtalarida kuzatuv kameralari, shaxsni identifikatsiya qiluvchi qurilmalar hamda “SOS” tugmachali zamonaviy ustunlar o‘rnatilishi yuzasidan suhbatlar o‘tkazildi.