Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston Xalq demokratik partiyasidan saylangan deputat J.Sadirov hamda kotibiyat xodimi M.Tursunbayeva tomonlaridan tumanning “Kichiksoy” mahallasida joylashgan 11-sonli umumta’lim maktabida o‘quvchilarning jismoniy tarbiya va sport bilan muntazam shug‘ullanishi uchun yaratilgan shart-sharoitlar hamda muassasaning sport anjomlari bilan ta’minlanganlik holati o‘rganildi.

🔺O‘rganish davomida maktabning sport zali, ochiq sport maydonchasi va jismoniy tarbiya mashg‘ulotlarida foydalanilayotgan sport jihozlari ko‘zdan kechirildi. Xususan, futbol, voleybol, basketbol to‘plari, to‘rlar, gimnastika anjomlari, yengil va og‘ir atletika jihozlari hamda boshqa sport inventarlarining mavjudligi, texnik holati va ulardan foydalanish samaradorligi tahlil qilindi.

🔺Shuningdek, sport anjomlarining saqlanish sharoiti, ularning xavfsizlik talablariga muvofiqligi, o‘quvchilar uchun yetarli miqdorda mavjudligi hamda jismoniy tarbiya darslari va sport to‘garaklarini sifatli tashkil etish imkoniyatlari yuzasidan mas’ullar bilan muloqot o‘tkazildi. O‘rganish davomida aniqlangan qo‘shimcha ehtiyojlar yuzasidan mas’ullarga tegishli taklif va tavsiyalar berildi.