Xalq deputatlari Zarbdor tuman Kengashiga 8-Oybek saylov okrugidan saylangan deputat Dilrabo Ochilova tomonidan Oybek mahallasida yashovchi fuqaroning murojaati joyiga chiqib o‘rganildi.
O‘rganish jarayonida fuqaro jarrohlik amaliyotini o‘tkazish uchun moddiy yordam ajratish masalasida murojaat qilgani aniqlandi. Murojaatchining holati o‘rganilib, uning “Ayollar daftari” hamda Ijtimoiy reyestriga kiritilgani ma’lum bo‘ldi.
Fuqaroga amaldagi tartiblarga muvofiq, ijtimoiy reyestrga kiritilgan oilalar a’zolariga jarrohlik amaliyoti xarajatlarini qoplash uchun moddiy yordam ko‘rsatish mexanizmlari yuzasidan huquqiy tushuntirish berildi.
Shuningdek, murojaatchiga “Ayollar daftari” hamda “Saxovat va ko‘mak” jamg‘armasi mablag‘lari hisobidan amaldagi qonunchilikda belgilangan tartibda moddiy yordam olish imkoniyatlari mavjudligi, buning uchun tegishli hujjatlarni rasmiylashtirish zarurligi tushuntirildi.
Mazkur murojaat deputat tomonidan nazoratga olinib, fuqaroga amaliy ko‘mak ko‘rsatish masalasida mahalladagi ijtimoiy xodim hamda xotin-qizlar faoli bilan hamkorlikda tegishli ishlarni davom ettirish yuzasidan kelishib olindi.