Aholi salomatligini asrash, kasalliklarning oldini olish va fuqarolarga manzilli tibbiy yordam ko‘rsatishda patronaj hamshiralarining o‘rni beqiyos.

Xalq deputatlari Yangiobod tuman Kengashi deputati Z. Abduraimova Balandchaqir mahallasida patronaj hamshirasi faoliyati bilan tanishib, aholi, xususan, bolalar, homilador ayollar va salomatligi alohida e’tibor talab qiladigan fuqarolar bilan olib borilayotgan ishlar yuzasidan suhbatlashdi.

Suhbat davomida xonadonlarda profilaktik ko‘riklarni tashkil etish, aholining tibbiy ehtiyojlarini o‘z vaqtida aniqlash hamda sog‘lom turmush tarzini targ‘ib qilish masalalariga e’tibor qaratildi. Faoliyat samaradorligini oshirish va aholi bilan manzilli ishlash bo‘yicha tavsiyalar berildi.