МАКТАБГА КИТОБЛАР СОВҒА ҚИЛИНДИ

Уйчи туманидаги 46 та умумтаълим мактаби, битта ихтисослашган мактаб, учта хусусий мактабда янги ўқув йилининг бошланишига бағишланган тантаналар кўтаринки руҳда ўтди.

35-мактабда бўлиб ўтган тадбирда Халқ депутатлари Уйчи туман Кенгаши депутати, туман ҳокими Музаффар Абдуллаев, Олий Мажлис Қонунчилик палатаси депутати Маруфжон Рахманов қатнашдилар.

Дастлаб Ўзбекистон Республикасининг давлат мадҳияси янгради. Ҳурматли Президентимизнинг “Мамлакатимиз мактаблари ўқувчилари ва устоз-мураббийларига табриги” ўқиб эшиттирилди. Мактабга илк бор қадам қўйган 152  нафар биринчи синф ўқувчисига Президент совғаси топширилди. Мактаб кутубхонасига бадиий адабиётлар совға қилинди. Шундан сўнг туман ҳокими  10-синфда илк мустақиллик дарси  - “Келажак соати”ни ўтиб берди.

Маълумот учун, жорий йилда тумандаги мавжуд 46 та умумтаълим мактабининг 1-синфига 5318 нафар ўқувчи қадам қўйди. Барча таълим муассасаларида  Мустақиллик дарси – “Келажак соати” машғулотлари "Ягона Ватан, ягона халқ бўлиб, янги ҳаёт ва келажак яратамиз!” мавзусида ўтди.