Уйчи туманида пахта терими мавсумига тайёргарлик ишлари қизғин давом этмоқда.
Халқ депутатлари Уйчи туман Кенгаши депутати, туман ҳокими М. Абдуллаев ҳамда Кенгашнинг Аграр, сув хўжалиги ва экология масалалари бўйича доимий комиссияси аъзоларидан иборат ишчи гуруҳ томонидан ҳудудларда қишлоқ хўжалиги соҳасида амалга оширилаётган ишлар ўрганилди.
Ўрганишлар давомида ғўза майдонларида дефолиация жараёнларининг бориши, ҳосилнинг пишиб етилиши ва пахта теримига тайёргарлик ҳолатига алоҳида эътибор қаратилди.
Мавсумни уюшқоқлик билан ўтказиш, етиштирилган ҳосилни нес-нобуд қилмасдан, қисқа муддатларда ва сифатли йиғиб-териб олиш бўйича масъулларга тегишли вазифалар белгилаб берилди.
Шунингдек, фермер хўжаликлари ҳудудларида ободонлаштириш ва санитария-тозалаш ишларини янада жадаллаштириш бўйича кўрсатмалар берилди.
Бош мақсад — далаларда етиштирилган мўл ва баракали ҳосилни нес-нобуд қилмасдан, ўз вақтида ва сифатли йиғиб олиш ҳамда пахта терими мавсумини уюшқоқлик билан ўтказиш.

📌 Ҳуқуқий асос: Ўзбекистон Республикасининг 2019 йил 16 февралдаги «Уруғчилик тўғрисида»ги ЎРҚ–521-сон Қонуни ижроси таъминланиши юзасидан ҳам тегишли ишлар олиб борилмоқда.