Tibbiy xizmat ko‘rsatish sifati va mavjud muammolar o‘rganildi

Xalq deputatlari Sirdaryo viloyati Kengashi kotibiyati mudiri A. Abdurahmonov, viloyat Kengashi deputati M. Sulaymonov hamda Oqoltin tumani Kengashi deputati J. Mamadaliyev tomonidan Bo‘ston mahallasi hududida joylashgan Usmon Nosir oilaviy shifokorlik punktida tibbiy xizmat ko‘rsatish sifati va mavjud muammolar o‘rganildi.

O‘rganish davomida tibbiyot muassasasida bir qator muammolar mavjudligi aniqlandi. Jumladan, oilaviy shifokorlik punkti binosi ichimlik suvi ta’minoti tarmog‘iga ulanmaganligi hamda elektr ta’minoti transformatorga ulanmaganligi ma’lum bo‘ldi.

Mazkur muammolarni bartaraf etish, tibbiyot muassasasida zarur shart-sharoitlarni yaratish va aholiga sifatli tibbiy xizmat ko‘rsatishni ta’minlash yuzasidan tegishli masalalarga e’tibor qaratildi..