Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat U.Aripbayev tomonidan tumanning “Dumaloq” mahallasida aholining bandligini ta’minlash, tadbirkorlik tashabbuslarini qo‘llab-quvvatlash hamda o‘zini o‘zi band qilish orqali daromad topayotgan fuqarolar faoliyatini o‘rganishga qaratilgan amaliy o‘rganish o‘tkazildi.

🔵O‘rganish davomida deputat o‘zini o‘zi band qilgan fuqaro A.Djilkibayeva tomonidan tashkil etilgan “Murod Aygerim” oilaviy korxona faoliyati bilan yaqindan tanishdi. Mazkur fuqaro uy sharoitida guldonlar hamda guldonlar uchun mo‘ljallangan stellajlar ishlab chiqarishni yo‘lga qo‘ygan bo‘lib, o‘z mehnati va tashabbusi orqali kichik ishlab chiqarish faoliyatini rivojlantirib kelmoqda.

🔵Tanishuv jarayonida mahsulotlarni tayyorlash jarayoni, ishlab chiqarish uchun yaratilgan sharoitlar va faoliyatni tashkil etish borasida amalga oshirilayotgan ishlar ko‘zdan kechirildi. Fuqaroning o‘z imkoniyatlaridan samarali foydalanib, uy sharoitida ishlab chiqarishni yo‘lga qo‘ygani, mehnat orqali daromad topishni yo‘lga qo‘ygan.

🔵Bunday tashabbuslar aholi bandligini ta’minlash, oilaviy daromad manbalarini kengaytirish, mahallalarda kichik tadbirkorlikni rivojlantirish hamda fuqarolarning iqtisodiy faolligini oshirishda muhim ahamiyat kasb etishi ta’kidlanib, fuqaroning faoliyati ijobiy baholandi. Tashabbuskor fuqarolarni qo‘llab-quvvatlash, ularning ishlab chiqarish salohiyatini yanada oshirish va tadbirkorlik faoliyatini rivojlantirishga ko‘maklashish muhimligi qayd etildi.