Viloyat Kengashi kotibiyati tomonidan o‘tkazilgan tanqidiy-tahliliy yig‘ilishda bildirilgan fikr va mulohazalardan kelib chiqib, tumanda aniqlangan kamchiliklarni o‘z vaqtida bartaraf etish, deputatlarning saylovchilar bilan uchrashuvlarini samarali tashkil etish, deputatlik so‘rovlari ijrosini haqqoniy tahlil qilish hamda avvalgi sessiyalarda qabul qilingan qarorlar ijrosi ustidan nazoratni kuchaytirish bo‘yicha tegishli vazifalar belgilab olindi.
Shuningdek, hisobotlarda ko‘rsatilgan natijalarning haqqoniyligi va amaliy samaradorligini ta’minlash, doimiy komissiyalar faoliyatini yanada faollashtirish hamda aholini qiynab kelayotgan muammolarni joyida o‘rganib, ularning ijobiy hal etilishiga erishish ustuvor vazifa etib belgilandi.
Asosiy maqsad — reyting ko‘rsatkichlarini yaxshilash bilangina cheklanib qolmasdan, deputatlik nazorati samaradorligini oshirish, mavjud kamchiliklarni o‘z vaqtida bartaraf etish va saylovchilar ishonchini amaliy natijalar bilan oqlashdan iborat.