#24_ta_tavsiyaviy_savol #deputatlik_nazorati_Uchtepa

3-SONLI BOLALAR KLINIK SHIFOXONASINING KUZ-QISH MAVSUMIGA TAYYORGARLIGI O‘RGANILDI

🇺🇿 Xalq deputatlari Uchtepa tumani Kengashining "1-Degrez" saylov okrugi deputati Ulug‘bek Begjanov tomonidan Toshkent shahar 3-sonli bolalar klinik shifoxonasida kuz-qish mavsumiga tayyorgarlik holati o‘rganildi.

🤔 Mazkur o‘rganish ijtimoiy soha obyektlarining kuz-qish mavsumida barqaror faoliyat yuritishini ta’minlash, isitish tizimlarining holatini baholash hamda bemorlar uchun zarur sharoitlar yaratilganligini ko‘zdan kechirish maqsadida tashkil etildi.

⏫️ O‘rganish davomida Uchtepa tumanida joylashgan, bolalarga statsionar va ambulator tibbiy xizmat ko‘rsatuvchi 3-sonli bolalar klinik shifoxonasining isitish tizimi, qozonxona uskunalari va muhandislik infratuzilmasi holatiga alohida e’tibor qaratildi.

✅ Shifoxonani issiqlik bilan ta’minlash maqsadida ikkita Italiyada ishlab chiqarilgan «Ferroli» rusumli qozon o‘rnatilgani ko‘zdan kechirildi. O‘rganish vaqtida isitish tizimi ishga tushirilgani va bir maromda faoliyat yuritayotgani kuzatildi.

📊 Shifoxonada faoliyat yuritayotgan pediatriya, allergologiya, nevrologiya, LOR, dermatologiya, endokrinologiya, gastroenterologiya, kardiologiya hamda boshqa tibbiy yo‘nalishlar uchun qulay va barqaror sharoitlarni ta’minlash muhim ahamiyat kasb etadi. Ayniqsa, bolalar salomatligini muhofaza qilish va ularga sifatli tibbiy xizmat ko‘rsatishda binolardagi harorat me’yorini saqlash muhim omillardan biridir.

💼 O‘rganish mahalliy Kengash deputati faoliyatining eng muhim 24 ta tavsiyaviy doirasida tashkil etilib, unda xalq deputatlari Uchtepa tumani Kengashi kotibiyati mudiri Anvar Usmanov, kotibiyat bosh mutaxassisi Umidbek Abilov hamda O‘zbekiston Xalq demokratik partiyasi Uchtepa tuman Kengashi raisi Sevara Azimova ishtirok etdi.

📈 Mazkur o‘rganishdan asosiy maqsad — tibbiyot muassasasining kuz-qish mavsumida uzluksiz faoliyat yuritishini ta’minlash, isitish tizimining barqaror ishlashini nazorat qilish hamda bolalar va tibbiyot xodimlari uchun qulay sharoitlarni yaratishga qaratilgan ishlarning holatini baholashdan iborat.