Xalıq deputatları Bozataw rayonlıq Keńesiniń Reglament hám deputatlıq ádep-ikramlılıǵı máseleleri boyınsha turaqlı komissiyası baslıǵı SH. Berdaxovtıń basshılıǵında turaqlı komissiya májilisi bolıp ótti.

Májilis kún tártibinde Xalıq deputatları Bozataw rayonlıq Keńesi deputatlarınıń 2026-jıldıń III sheregi dawamında ámelge asırǵan jumısları haqqında ózleri saylanǵan saylaw okruglerinde saylawshılarǵa esabat beriw rejesin tastıyıqlaw máselesi qaraldı.

Talqılaw dawamında deputatlardıń saylawshılar menen tikkeley baylanısın bekkemlew, ámelge asırılǵan jumıslar haqqında xalıqqa maǵlıwmat beriw hám saylawshılardıń múrájatları menen usınısların úyreniwde esabat beriwdiń áhmiyeti atap ótilip, tiyisli máseleler dodalandı.

Májilis juwmaǵı boyınsha kún tártibindegi másele júzinen tiyisli qarar qabıllandı.