Ekologik qonunchilik ijrosini o‘rganish yuzasidan savolnoma tuzildi

Xalq deputatlari Pastdarg‘om tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi tomonidan O‘zbekiston Respublikasi Vazirlar Mahkamasining 2021-yil 12-apreldagi 202-son qarori ijrosini tumanda o‘rganish maqsadida deputatlar uchun savolnoma ishlab chiqildi.

🔎 Savolnomada quyidagi masalalarni o‘rganish nazarda tutilgan:
♻️ Tumandagi atrof-muhitni ifloslantiruvchi manbalar va chiqindilarni joylashtirish holati.

💸 Atrof-muhitni ifloslantirganlik uchun kompensatsiya to‘lovlarining hisoblanishi, undirilishi va mavjud qarzdorliklar.

⚠️ Ekologik qonunbuzilishlar, noqonuniy chiqindi tashlash hamda oqova suvlarni ruxsat etilmagan joylarga oqizish holatlari.

👨‍💼 Kompensatsiya to‘lovlari bo‘yicha elektron hisob-kitoblar yuritilishi va ekologik monitoring samaradorligi.

📌 Shuningdek, aniqlangan muammolar, ularning kelib chiqish sabablari hamda bartaraf etish bo‘yicha mas’ul tashkilotlar tomonidan ko‘rilayotgan choralar yuzasidan ma’lumotlar o‘rganiladi.

✅ Savolnomadan maqsad — qaror ijrosini xolis baholash, mavjud kamchiliklarni aniqlash va ularni bartaraf etish yuzasidan aniq takliflar ishlab chiqish hamda deputatlik nazoratini kuchaytirish.

🌱 Atrof-muhitni muhofaza qilish — barchamizning umumiy mas’uliyatimiz!