Ekologik qonunchilik ijrosi deputatlik nazorati doirasida o‘rganiladi

Xalq deputatlari Pastdarg‘om tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi tomonidan O‘zbekiston Respublikasi Vazirlar Mahkamasining 2021-yil 12-apreldagi 202-son qarori ijrosini tumanda o‘rganish yuzasidan deputatlar uchun savolnoma ishlab chiqildi.

📌 Savolnoma orqali atrof-muhitni muhofaza qilish, ekologik qonunchilik talablariga rioya etish hamda ifloslantiruvchi korxona va tashkilotlar faoliyatini o‘rganishga alohida e’tibor qaratiladi.

🔎 Jumladan, quyidagi yo‘nalishlar qamrab olindi:
♻️ Tumandagi atrof-muhitni ifloslantiruvchi manbalarni hisobga olish va monitoring qilish holati.

💰 Ifloslantirganlik hamda chiqindilarni joylashtirganlik uchun hisoblangan va undirilgan kompensatsiya to‘lovlari.

⚠️ Ekologik me’yorlarning buzilishi, noqonuniy chiqindi tashlash va oqova suvlarni ruxsat etilmagan joylarga oqizish holatlari.

💻 Kompensatsiya to‘lovlari hisob-kitobini yuritish, elektron axborot tizimidan foydalanish va mavjud muammolarni bartaraf etish choralari.

📋 Shuningdek, aniqlangan kamchiliklar, ularning sabablari, mas’ul tashkilotlar tomonidan ko‘rilgan choralar va kelgusidagi vazifalar yuzasidan ma’lumotlar o‘rganilishi nazarda tutilgan.