Mahallada deputatga kelib tushgan murojaat yuzasidan uchrashuv o‘tkazildi

Xalq deputatlari Mirzo Ulug‘bek tumani Kengashi deputati, O‘zLiDeP a’zosi Oydin Daniyarxodjayeva tomonidan mahallada fuqarolar bilan uchrashuv tashkil etidi, deputatga kelib tushgan murojaat yuzasidan masala atroflicha muhokama qilindi. Uchrashuv davomida fuqaroning murojaati tinglanib, unda ko‘tarilgan muammoning kelib chiqish sabablari va uni hal etish imkoniyatlari o‘rganildi.

Shuningdek, murojaatni qonunchilikda belgilangan tartibda ko‘rib chiqish, tegishli mas’ul tashkilotlar bilan hamkorlikda muammoni hal etish hamda ijrosi yuzasidan nazorat olib borish masalalariga e’tibor qaratildi.

Deputat fuqarolar murojaatlarini o‘z vaqtida o‘rganish, aholini qiynayotgan muammolarga amaliy yechim topish va xalq bilan muloqotni izchil davom ettirish muhimligini ta’kidladi.