Oliy Majlis Qonunchilik palatasi deputati S.Utemuratovaning deputatlik tashabbusiga asosan “Tashabbusli budjet” loyihasining qo‘shimcha g‘olibi sifatida 4-Beruniy saylov okrugi hududidagi Olmazor MFYda joylashgan markaziy stadionda keng ko‘lamli ta’mirlash va obodonlashtirish ishlari olib borilmoqda.

Loyiha doirasida:
⚽️ Stadionga zamonaviy sun’iy qoplamali gazon yotqizilmoqda;
🚪 Sportchilar uchun kiyinish xonalari hamda hakamlar xonasi to‘liq ta’mirdan chiqarilmoqda.

Xalq deputatlari Amudaryo tuman Kengashi deputati Madamin Kazakov (O‘zLiDeP), deputatga biriktirilgan Yoshlar maslahat guruhi vakili, tuman Kengashi Kotibiyat bosh mutaxassisi Bobur Allaberganov hamda siyosiy partiyalarning tuman Kengashlari rahbarlari obyektga tashrif buyurib, olib borilayotgan qurilish va obodonlashtirish ishlarining borishi bilan yaqindan tanishdilar.

Jarayon davomida qurilish sifatini ta'minlash va ishlarni o‘z vaqtida yakunlash yuzasidan tegishli tavsiya hamda mas'uliyatlar belgilab olindi. Bu kabi loyihalar hudud yoshlarining sport bilan shug‘ullanishi va bo‘sh vaqtlarini mazmunli o‘tkazishi uchun xizmat qiladi.