Xalq deputatlari Qo‘qon shahar Kengashiga 9-“Shaldiramoq” saylov okrugidan saylangan deputat F.Qaxxarova tomonidan “Shaldiramoq” mahalla fuqarolar yig‘inida Ijtimoiy reyestrga kiritilgan oilalarning ijtimoiy ahvolini o‘rganish yuzasidan xonadonlarga tashriflar amalga oshirildi.

Jumladan, Shaldiramoq ko‘chasi, 7-uy, 27-xonadonda istiqomat qiluvchi fuqaro F.Mamayusupovaning xonadonida bo‘lib, oilaning yashash sharoiti va mavjud ehtiyojlari bilan tanishildi.

O‘rganish davomida oilaga ko‘rsatilgan ijtimoiy yordam choralari yuzasidan ham ma’lumot olindi. Xususan, “Saxovat va ko‘mak” jamg‘armasi tomonidan fuqaro oilasiga vaucher asosida oziq-ovqat va kiyim-kechak mahsulotlarini xarid qilish uchun yordam ko‘rsatilgani ma’lum bo‘ldi.

Tashrif yakunida oilaning ijtimoiy holati va ko‘rsatilgan yordam bilan bog‘liq ma’lumotlar o‘rganilib, xonadonning mavjud ehtiyojlariga e’tibor qaratildi.

Xalq deputatlari Qo‘qon shahar Kengashi