24-BAND IJROSI: Sessiyada ko‘rib chiqiladigan masala yuzasidan o‘rganish olib borildi
Xalq deputatlari Pastdarg‘om tumani Kengashining navbatdagi sessiyasida ko‘rib chiqilishi rejalashtirilgan masala yuzasidan Kengash deputati X. Turdiyev tomonidan Sinchi mahallasida o‘rganish olib borildi.
🔎 O‘rganish davomida mahallada kambag‘allikni qisqartirish, oilalarning daromad manbalarini oshirish va aholi bandligini ta’minlash borasida amalga oshirilayotgan ishlar bilan tanishildi.
Jumladan, fuqaro Bo‘ronova Muqaddasning oilaviy va ijtimoiy holati o‘rganildi. O‘rganish natijasida fuqaro kambag‘allik reyestridan chiqarilgani, turmush o‘rtog‘i xorijga ishlash uchun ketgani hamda oilaga 10 million so‘m miqdorida kredit ajratilgani ma’lum bo‘ldi.
📌 Deputat tomonidan oilaning barqaror daromad manbaiga ega bo‘lishi, ajratilgan kredit mablag‘laridan samarali foydalanilishi hamda kambag‘allikdan chiqish bo‘yicha amalga oshirilayotgan ishlar holatiga e’tibor qaratildi.