Huquqiy savodxonlik masalasi deputatlik nazoratiga olindi

Xalq deputatlari Pastdarg‘om tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan O‘zbekiston Respublikasi Vazirlar Mahkamasining 2021-yil 13-martdagi 134-son qarori ijrosi yuzasidan deputatlik nazorati va tahliliy o‘rganish ishlari olib borilmoqda.

Shu munosabat bilan doimiy komissiya tomonidan Pastdarg‘om tuman adliya bo‘limi boshlig‘i Z. Safarovga 2026-yil 5-oktabrdagi 78-kx-487-26-sonli rasmiy xat yuborildi.

Rasmiy xatda tumandagi davlat tashkilotlari va ularning hududiy bo‘linmalarida:
💎 xodimlarning huquqiy savodxonligini oshirish bo‘yicha amalga oshirilgan ishlar;
💎 huquqiy o‘quvlar, seminar va targ‘ibot tadbirlarining tashkil etilishi;
💎 o‘quvlarning davriyligi, qamrovi va ishtirokchilar soni;
💎 xodimlarning huquqiy bilimlarini oshirish bo‘yicha ko‘rilgan chora-tadbirlar;
💎 huquqiy targ‘ibot tadbirlarining natijadorligi va mavjud muammolar;
💎 qaror ijrosi doirasida tuman adliya bo‘limi tomonidan amalga oshirilgan ishlar hamda kelgusidagi vazifalar
yuzasidan batafsil va asoslantirilgan ma’lumot taqdim etish so‘ralgan.
📌 Shuningdek, amalga oshirilgan tadbirlarni tasdiqlovchi hujjatlar, ma’lumotnomalar, bayonnomalar va statistik ko‘rsatkichlarni taqdim etish belgilangan.
🗓 Mazkur ma’lumotlarni 2026-yil 15-oktabrga qadar Kengashning tegishli doimiy komissiyasiga taqdim etish so‘raldi.

✅ Maqsad — davlat tashkilotlari xodimlarining huquqiy savodxonligini oshirish, qonunchilik talablariga rioya etilishini kuchaytirish va qaror ijrosining tumandagi amaliy holatini tahlil qilish.