Davlat tashkilotlarida huquqiy savodxonlik holati o‘rganiladi

Xalq deputatlari Pastdarg‘om tumani Kengashi deputatlari tomonidan davlat tashkilotlari xodimlarining huquqiy savodxonligini yanada oshirishga qaratilgan qaror talablarining tumandagi ijrosini o‘rganish ishlari olib borilmoqda.

💎 O‘rganish jarayonida tashkilotlarda xodimlarning huquqiy bilimlarini oshirish bo‘yicha amalga oshirilayotgan ishlar;
💎 huquqiy o‘quv mashg‘ulotlari va seminarlarning tashkil etilishi;
💎 xodimlarning huquqiy bilimlarini baholash hamda test sinovlaridan o‘tkazish holati;
💎 LexUZ va boshqa elektron huquqiy resurslardan foydalanish darajasi;
💎 mehnat qonunchiligi, korrupsiyaga qarshi kurashish, fuqarolar murojaatlari va boshqa huquqiy yo‘nalishlar bo‘yicha xodimlarning bilimlari;
💎 aniqlangan kamchiliklarni bartaraf etish yuzasidan ko‘rilayotgan choralar o‘rganiladi.

📋 Mazkur yo‘nalishda deputatlar tomonidan o‘rganishni tizimli tashkil etish maqsadida maxsus savolnoma ishlab chiqildi.

🌐Savolnoma asosida tashkilotlarning amaldagi holati, mavjud muammolar va ularni bartaraf etish bo‘yicha takliflar tahlil qilinib, o‘rganish yakunlari yuzasidan tegishli xulosalar shakllantiriladi.

📌 Asosiy maqsad — davlat tashkilotlarida qonuniylikni ta’minlash, xodimlarning huquqiy bilim va ko‘nikmalarini oshirish hamda qonunchilik talablarining amaliyotda to‘g‘ri qo‘llanilishini ta’minlash.