Oq Mang‘it mahallasida manzilli ishlar holati ko‘zdan kechirildi

Xalq deputatlari Pastdarg‘om tumani Kengashi kotibiyat mudiri F. Xolmuratova, deputatlar A. Abdumurodov va O‘. Shukurov tomonidan Oq Mang‘it mahallasidagi “mahalla yettiligi” faoliyati o‘rganildi.

🔎 O‘rganish davomida mahallada aholi bilan ishlashning amaldagi holati, mavjud muammolarni aniqlash va ularni tegishli tashkilotlar bilan hamkorlikda hal etish mexanizmlari ko‘rib chiqildi.

Jumladan, fuqarolarning murojaatlari, oilalarning ijtimoiy-iqtisodiy holati, bandlik masalalari, daromad manbalarini ko‘paytirish, tadbirkorlik tashabbuslarini qo‘llab-quvvatlash hamda ehtiyojmand oilalar bilan olib borilayotgan individual ishlar yuzasidan fikr almashildi.

🤝 Shuningdek, “mahalla yettiligi” a’zolari o‘rtasidagi hamkorlik, vazifalarning o‘zaro muvofiqlashtirilishi va aniqlangan muammolarni ortga surmasdan hal etish masalalariga e’tibor qaratildi.

📌 O‘rganish yakunida mahallada olib borilayotgan ishlarni yanada tizimli tashkil etish hamda fuqarolar muammolarini manzilli hal qilish yuzasidan tegishli tavsiyalar berildi.