Хавфсиз муҳитни таъминлаш бўйича йиғилиш ўтказилди.

Уйчи туман ҳокимлигининг мажлислар залида ҳурматли Президентимизнинг 2026 йил 5 январдаги ПҚ-1 ва ПҚ-2-сонли қарорлари ижросини таъминлаш, маҳаллаларда хавфсиз муҳитни яратиш, аҳоли билан манзилли ишлаш ҳамда жиноятчиликнинг барвақт профилактикасини самарали ташкил этиш мақсадида йиғилиш бўлиб ўтди.

Уйчи тумани Халқ депутатлари туман Кенгаши депутати, туман ҳокими М.Абдуллаев томонидан амалга оширилиши лозим бўлган вазифалар белгилаб берилди.

Шунингдек, Учқўрғон туманидаги давлат мактабгача таълим ташкилотида юз берган ҳолатнинг такрорланишининг олдини олиш мақсадида барча ташкилотлар, таълим муассасалари ва маҳаллаларда хавфсизлик чораларини кучайтириш, ҳушёрликни ошириш ҳамда профилактик тадбирларни тизимли ташкил этиш бўйича зарур кўрсатмалар берилди.

Белгиланган вазифалар ижросини таъминлаш, хавфсиз муҳитни шакллантириш ва юзага келиши мумкин бўлган салбий ҳолатларнинг олдини олиш юзасидан масъулларга тегишли топшириқлар берилди.