SAYLOVCHILAR BILAN UCHRASHUV O‘TKAZILDI

Xalq deputatlari Oqoltin tumani Kengashi deputati J.Usmonov hamda Kengash kotibiyati bosh mutaxassisi U.Kenjayev ishtirokida Obod mahallasidagi 7-Obod saylov okrugi saylovchilari bilan uchrashuv o‘tkazildi.

Uchrashuv davomida fuqarolar tomonidan mahalla hududida bolalar maydonchasi mavjud emasligi va yangi maydoncha barpo etish zarurligi, shuningdek, Xalqobod ko‘chasidagi ko‘p qavatli uylar yonida joylashgan umumiy foydalanishdagi hojatxonalarni ta’mirlash masalalari ko‘tarildi.

Bildirilgan murojaat va takliflar tegishli tartibda o‘rganib chiqish hamda mavjud muammolarni hal etish yuzasidan mas’ul tashkilotlar bilan hamkorlikda ish olib borish zarurligi qayd etildi. Saylovchilar bilan bunday uchrashuvlar aholi muammolarini manzilli o‘rganish va ularning yechimiga ko‘maklashishda muhim ahamiyat kasb etadi.