Xalq deputatlari Marg‘ilon shahar Kengashida "Ijtimoiy soha, yoshlar siyosati, madaniyat va sport masalalari bo‘yicha" doimiy komissiya faoliyat yuritadi. U har bir oila hayotiga bevosita tegishli masalalarni sessiyalardan oldin dastlabki tarzda ko‘rib chiqadi.

Komissiyaning asosiy vakolatlari:

📚 Ta’lim. Maktabgacha va umumiy ta’lim, kollej hamda texnikumlarda ta’lim sifati, sharoit, moddiy-texnik ta’minot va bitiruvchilar bandligini o‘rganib, takliflar kiritadi.

🏥 Sog‘liqni saqlash. Tibbiy xizmat sifatini oshirish, davolash-profilaktika muassasalarini rivojlantirish va hududning "tibbiy xaritasi" asosida xizmat ko‘rsatilishini nazorat qiladi.

🤲 Ijtimoiy himoya. Nogironlar, urush va mehnat faxriylari, ko‘p bolali oilalar hamda keksalarning uy-joy va maishiy sharoitlarini yaxshilashga ko‘maklashadi.

👨‍👩‍👧 Yoshlar va oila. "Yoshlar guruhi" va Yoshlar parlamenti vakillari maktabi ishini muvofiqlashtiradi, yosh oilalar va xotin-qizlarning uy-joy muammolarini tahlil qiladi.

🎭 Madaniyat. Madaniyat muassasalari tarmog‘ini rivojlantirishga, xalq ijodiyoti, milliy an’analar va badiiy hunarmandchilikni qo‘llab-quvvatlashga ko‘maklashadi.

⚽️ Sport va bola huquqlari. Sport muassasalari bazasini mustahkamlash, yashash joylarida sport sharoitlari yaratish, bola huquqlari va vasiylik ishlari ustidan nazorat qiladi.

Komissiya o‘z vakolati doirasida tashkilot rahbarlarining hisobotlarini eshitadi, tavsiyalar beradi va ularning bajarilishini nazorat qiladi. Majlislar ochiq o‘tkaziladi.

Maktab, shifoxona, sport maydonchasi yoki madaniyat maskani bilan bog‘liq taklif va murojaatlaringizni deputatlarimizga yo‘llang.

📄 Manba: O‘zbekiston Respublikasi Oliy Majlisi Senati Kengashining 2024-yil 31-oktabrdagi KQ-846-IV-son qaroriga ilova.