Xalq deputatlari Oqoltin tumani Kengashining navbatdagi 34-sessiyasi kun tartibiga kiritilgan masalalarni ko‘rib chiqish maqsadida Kengashning Mahalliy budjet, tadbirkorlikni rivojlantirish va ijtimoiy islohotlar masalalari bo‘yicha doimiy komissiyasi yig‘ilishi bo‘lib o‘tdi.

Yig‘ilishda jamoatchilik fikri asosida shakllantirilgan tadbirlarni moliyalashtirish maqsadida tuman mahalliy budjeti hisobidan shakllangan Oqoltin tumani hokimligining “Fuqarolar tashabbusi jamg‘armasi” mablag‘laridan foydalanish to‘g‘risidagi masala muhokama qilindi.

Muhokama davomida jamoatchilik tomonidan ilgari surilgan tashabbuslarni amalga oshirish, jamg‘arma mablag‘laridan samarali va maqsadli foydalanish hamda aholining taklif va ehtiyojlarini inobatga olish masalalariga alohida e’tibor qaratildi.