#Komissiya_nazorati #haftalik_ish_reja_doirasida #Open_byudjet

19-SONLI DMTTDA TA’MIRLASH ISHLARI SIFATI NAZORATDAN O‘TKAZILDI

🕯 2026-yil “Tashabbusli byudjet” jarayonining I mavsumida g‘olib bo‘lgan loyiha asosida 19-sonli davlat maktabgacha ta’lim tashkilotida olib borilayotgan ta’mirlash ishlarining holati joyiga chiqib o‘rganildi.

Loyiha doirasida quyidagi ishlarni amalga oshirish belgilangan:
✍️ barcha hojatxonalarni, kanalizatsiya tizimi hamda yerto‘la quvurlarini ta’mirlash;
✍️ eshik va deraza romlarini yangilash, podokonnoklar o‘rnatish hamda eshik va deraza romlari o‘rnatilgandan so‘ng atkos qismlarini ta’mirlash;
✍️ DMTTning tashqi va ichki sovuq suv hamda oqova suv kommunikatsiya quvur tarmoqlarini ta’mirlash;
✍️ oshxonani to‘liq ta’mirlash.

📝 O‘rganish davomida amalga oshirilayotgan ishlarning loyiha hujjatlariga muvofiqligi, bajarilish sifati va belgilangan talablar asosida olib borilayotgani ko‘rib chiqildi. Aniqlangan kamchiliklarni bartaraf etish, qolgan ishlarni belgilangan talablar asosida sifatli yakunlash yuzasidan mas’ullarga tegishli ko‘rsatma va tavsiyalar berildi.

📈 Shuningdek, ta’mirlash ishlarini belgilangan muddatlarda va sifatli yakunlash, obyektni foydalanishga topshirishga tayyorlash hamda ajratilgan mablag‘lardan samarali va maqsadli foydalanish masalalariga alohida e’tibor qaratildi.

💼 O‘rganish jarayonida xalq deputatlari Uchtepa tumani Kengashi raisi Jafar Ismanov boshchiligida, Kengash kotibiyati mudiri A.Usmanov, kotibiyat bosh mutaxassisi U.Abilov hamda ekspert guruhi a'zolari ishtirok etdi.