Mahalliy Kengash deputatlari faoliyatining eng muhim yo‘nalishlari bo‘yicha 24 Tavsiya asosida hududlarda amaliy ishlar olib borilmoqda.

Xususan, Xalq deputatlari Andijon viloyat va shahar Kengashi deputati Gulnoraxon Ismoilova Buloqboshi tumanidagi 8-umumta’lim maktabida bo‘lib, ta’lim muassasasining kuz-qish mavsumiga tayyorgarlik holatini o‘rgandi.

O‘rganish davomida maktabda mavsumni betalafot o‘tkazish bo‘yicha amalga oshirilayotgan ishlar, isitish tizimining holati hamda mavjud sharoitlar yuzasidan maktab mas’uli bilan suhbatlashildi.

Shuningdek, mavsum davomida o‘quvchilar va pedagoglar uchun zarur shart-sharoitlarni ta’minlash, aniqlangan masalalarni o‘z vaqtida bartaraf etish bo‘yicha fikr va takliflar bildirildi.

Deputat tomonidan mazkur yo‘nalishdagi ishlarni izchil davom ettirish va kuz-qish mavsumini sifatli tashkil etishga alohida e’tibor qaratildi.