Xalıq deputatları Bozataw rayonlıq Keńesi 4-sanlı "Tórtkúl" saylaw okruginen saylanǵan deputat A.Jangabaeva okrug aymaǵında jasawshı kámbaǵal shańaraqlardıń turmıs jaǵdayın úyreniw maqsetinde olardıń úylerine barıp, shańaraq aǵzaları menen sáwbetlesti.

Úyreniw dawamında shańaraqlardıń turmıs sharayatı, jumıs penen támiyinleniwi, turaqlı dáramat dárekleri hám sociallıq qollap-quwatlawǵa bolǵan mútájlikleri menen tanıstırıldı.

Deputat A.Jangabaeva shańaraq aǵzalarınıń múrájatları hám pikir-usınısların tıńlap, olardı qızıqtırǵan máselelerge itibar qaratıw menen birge, múrájatın sheshiw boyınsha tiyisli járdem kórsetiw imkaniyatların úyrendi.

Bunday barıwlardıń tiykarǵı maqseti - kámbaǵallıqtı tek úyreniw menen sheklenip qalmastan, shańaraqlardıń turmısın jaqsılaw, dáramatın arttırıw hám olardı turmısta óz ornın tabıwına járdemlesiw.