AHOLINING IJTIMOIY HIMOYASI — E’TIBOR MARKAZIDA

Xalq deputatlari Xorazm viloyati Kengashi raisi O. Rajabov, Xalq deputatlari Qo‘shko‘pir tumani Kengashi raisi M. Tangriberganov hamda Ilgaldi mahallasi raisi E.Allaberganov hamkorligida Ilgaldi mahallasi Madaniyat ko‘chasi 5-uyda yashovchi, Ijtimoiy reyestrda turuvchi fuqaro D. Abdullayev xonadonida bo‘lib, oilaning ijtimoiy va maishiy sharoiti o‘rganildi.
O‘rganish davomida fuqaroning sog‘lig‘i bilan bog‘liq muammolari, oilaning moddiy-ijtimoiy holati hamda mavjud ehtiyojlari bilan yaqindan tanishildi. Fuqaro D. Abdullayev avval bosh miya saratoni sababli jarrohlik amaliyotini boshdan kechirgan bo‘lib, hozirda qandli diabet kasalligi bilan davolanmoqda.
Shuningdek, fuqaroning turmush o‘rtog‘i avtohalokat oqibatida qo‘li singani sababli davolanishi uchun zarur sharoitlarni yaratish masalasiga alohida e’tibor qaratildi.
Oilani qo‘llab-quvvatlash maqsadida Xorazm viloyati Mahalla jamg‘armasi hisobidan 8 million so‘m miqdorida mablag‘ ajratilib, amaliy yordam ko‘rsatildi.