Elektr ta’minotidagi mavjud muammo bo‘yicha deputat so‘rovi yuborildi.
“Mo‘g‘ol” mahalla fuqarolar yig‘inining “Uyas” qishlog‘ida elektr ta’minoti bilan bog‘liq mavjud muammolarni bartaraf etish maqsadida o‘rganish ishlari olib borildi.
O‘rganish davomida qishloq hududidagi 7 dona elektr ustuni yaroqsiz holatga kelgani aniqlanib, aholi xavfsizligi va elektr ta’minoti barqarorligini ta’minlash maqsadida ularni zamonaviy temir-beton elektr ustunlariga almashtirish masalasi ko‘tarildi.
Mazkur masala yuzasidan tuman Kengashi deputati tomonidan tuman Elektr tarmoqlari korxonasiga deputat so‘rovi yuborildi.
Deputatlik so‘rovida yaroqsiz holatdagi elektr ustunlarini belgilangan tartibda zamonaviy ustunlarga almashtirish va bu orqali aholi uchun xavfsiz hamda barqaror elektr ta’minotini ta’minlash choralarini ko‘rish so‘raldi. Ijro jarayoni deputat tomonidan qat’iy nazoratga olindi.