DUOBA MFYDA PROFILAKTIKA INSPEKTORI FAOLIYATI O‘RGANILDI

✅ Xalq deputatlari tuman Kengashi kotibiyati mudiri O‘.Murodov va 11-sonli “Qo‘rg‘oncha” saylov okrugi deputati Y.Aliyev tomonidan Duoba MFYda faoliyat olib borayotgan profilaktika inspektorining xizmat faoliyati o‘rganildi.

✅O‘rganish davomida profilaktika inspektorining mahallada jamoat xavfsizligini ta’minlash, huquqbuzarlik va jinoyatlarning barvaqt oldini olish, fuqarolar bilan profilaktik suhbatlar olib borish, muammoli oilalar va huquqbuzarlik sodir etishga moyil shaxslar bilan manzilli ishlash borasidagi faoliyatiga alohida e’tibor qaratildi.

✅Xususan, mahallada 6 nafar fuqaro probatsiya ro‘yxatida, 19 nafar fuqaro profilaktika ro‘yxatida turishi inobatga olinib, ular bilan olib borilayotgan profilaktik ishlarning samaradorligi o‘rganildi.

✅Profilaktika inspektori tomonidan probatsiya nazoratidagi fuqarolarning ijtimoiy moslashuvi, ularni qayta huquqbuzarlik sodir etishdan tiyish, bandligini ta’minlashga ko‘maklashish hamda profilaktik hisobdagi shaxslar bilan muntazam ishlash masalalariga alohida e’tibor qaratilayotgani tahlil qilindi.

✅Shuningdek, 34 nafar ishsiz yosh bilan ishlash, yoshlar o‘rtasida huquqbuzarliklarning oldini olish, voyaga yetmaganlar tarbiyasi, oilaviy nizolarning oldini olish va mahallada sog‘lom ijtimoiy muhitni shakllantirish borasidagi ishlar ham ko‘rib chiqildi.