“YANGIOBOD” MFYDA O‘RGANISH ISHLARI OLIB BORILDI

Xalq deputatlari Navoiy shahar Kengashi deputati Dilmurod Ergashev hamda Kotibiyat bosh mutaxassisi Muborak Astanova “Yangiobod” mahalla fuqarolar yig‘inida bo‘lib, hududda amalga oshirilayotgan ishlar holatini o‘rgandilar.

🔎 O‘rganish davomida xatlov jarayonlarining sifati, hududdagi obodonlashtirish ishlarining holati hamda qurilish-bunyodkorlik ishlarining borishi yuzasidan mahalla mas’ullari bilan fikr almashildi.

🏗 Shuningdek, hududda olib borilayotgan qurilish-bunyodkorlik ishlari ko‘zdan kechirilib, ularning belgilangan talablar asosida sifatli va o‘z vaqtida amalga oshirilishiga alohida e’tibor qaratildi.

🌿 Obodonlashtirish va ko‘kalamzorlashtirish ishlarini yanada jadallashtirish, mavjud kamchiliklarni bartaraf etish hamda hududning sanitariya holatini yaxshilash yuzasidan mas’ullarga tegishli tavsiya va ko‘rsatmalar berildi.

Huquqiy asos: O‘zbekiston Respublikasining “Xalq deputatlari viloyat, tuman va shahar Kengashi deputati maqomi to‘g‘risida”gi 706-II-son Qonuniga muvofiq, deputatlar hududdagi ijtimoiy-iqtisodiy masalalarni o‘rganish, fuqarolarning huquq va qonuniy manfaatlarini himoya qilish hamda deputatlik nazoratini amalga oshirish vakolatiga ega.

🤝 Deputatlik nazorati — hududlarda amalga oshirilayotgan ishlarning samaradorligini oshirish, aniqlangan muammolarni bartaraf etish va aholi manfaatlarini ta’minlashning muhim vositasidir.

🏛 Xalq deputatlari Navoiy shahar Kengashi kotibiyati