Ichki ishlar organlari faoliyatining huquqiy asoslari

O‘zbekiston Respublikasining “Ichki ishlar organlari to‘g‘risida”gi Qonuni Qonunchilik palatasi tomonidan 2016-yil 12-avgustda qabul qilingan va Senat tomonidan 2016-yil 24-avgustda ma’qullangan.

Mazkur qonun ichki ishlar organlarining faoliyatini tashkil etish, ularning asosiy vazifalari, huquq va majburiyatlarini belgilashda muhim huquqiy asos hisoblanadi.
Qonunga muvofiq, ichki ishlar organlarining asosiy vazifalari fuqarolarning huquqlari, erkinliklari va qonuniy manfaatlarini himoya qilish, jamoat tartibini saqlash, jamoat xavfsizligini ta’minlash, huquqbuzarliklarning oldini olish hamda jinoyatchilikka qarshi kurashishdan iborat.

Shuningdek, ichki ishlar organlari o‘z faoliyatini qonuniylik, fuqarolarning huquq va erkinliklariga hurmat, ochiqlik va shaffoflik tamoyillari asosida amalga oshirishi belgilangan.

Qonunning mazmun-mohiyatini keng jamoatchilikka yetkazish, fuqarolarning huquqiy savodxonligini oshirish va qonunlarga hurmat ruhini mustahkamlash muhim ahamiyat kasb etadi.

Qonun ustuvorligi — tinchlik, osoyishtalik va fuqarolar xavfsizligining muhim kafolatidir.