Boysun tuman Kengashi faoliyatini yanada takomillashtirish masalalari muhokama qilindi

✅ Boysun tuman Kengashi kotibiyati xodimlari ishtirokida Kengash faoliyatini yanada takomillashtirish, belgilangan vazifalar ijrosini samarali tashkil etish yuzasidan yig‘ilish bo‘lib o‘tdi.

✅ Yig‘ilish kun tartibidan joriy yilning 2 sentabr kuni Senat markazi tomonidan berilgan topshiriqlar yuzasidan viloyat Kengashi kotibiyati tomonidan belgilangan vazifalar hamda tuman Kengashi tomonidan hafta davomida amalga oshirilayotgan ish rejasidagi vazifalar o‘rin oldi.

✅ Shuningdek, deputatlar faoliyatining eng muhim 24 ta yo‘nalishi bo‘yicha berilgan tavsiyalardan kelib chiqib, deputatlarning o‘zlari saylangan saylov okruglarida deputatlik nazorat-tahlil tadbirlarini o‘tkazishi, saylovchilar bilan uchrashuvlar tashkil etishi, 162 ta eng muhim qonunlar ijrosini o‘rganishi, mahalla yettiligi bilan hamkorlikni yanada kengaytirish orqali aholi muammolarini o‘rganishi kabi masalalar muhokama qilindi.

✅ Yig‘ilishda, shuningdek, Kengash tomonidan qabul qilinayotgan qarorlarning huquqiy asoslari to‘g‘ri va qonunchilik talablariga muvofiq bo‘lishini ta’minlash masalalariga ham alohida e’tibor qaratildi.

✅ Muhokama qilingan masalalar yuzasidan mas’ullarga tegishli vazifalar belgilab berilib, ularning ijrosini samarali tashkil etish bo‘yicha zarur topshiriqlar berildi.