O‘zbekiston Respublikasining “Xotin-qizlarni tazyiq va zo‘ravonlikdan himoya qilish to‘g‘risida”gi Qonuni (O‘RQ-561-son, 2019-yil 2-sentabr) ijrosi Qunduz mahallasida o‘rganildi.
🔎 Monitoring davomida xotin-qizlarning huquq va qonuniy manfaatlarini himoya qilish, tazyiq va zo‘ravonlik holatlarining oldini olish, muammoli va ehtiyojmand xotin-qizlarni aniqlash hamda ularga zarur ko‘mak ko‘rsatish masalalariga alohida e’tibor qaratildi.
Shuningdek, zo‘ravonlikdan jabrlangan shaxslarni qo‘llab-quvvatlash, ularni tegishli xizmatlarga yo‘naltirish hamda mahallada xotin-qizlar uchun xavfsiz va sog‘lom ijtimoiy muhitni shakllantirish borasidagi ishlar tahlil qilindi.
🤝 O‘rganish yakunlari bo‘yicha aniqlangan masalalarni bartaraf etish, profilaktik ishlarni kuchaytirish va qonun talablarining samarali ijrosini ta’minlash yuzasidan tegishli taklif va tavsiyalar bildirildi.
👥 Monitoringda ishtirok etdilar:
M. Yaxshimurotova — xalq deputatlari tuman Kengashi deputati;
D. Abdrimova — Kengash kotibiyati bosh mutaxassisi;
O. Akimova — O‘zbekiston XDP tuman Kengashi raisi.
🎯 Asosiy maqsad — xotin-qizlarni tazyiq va zo‘ravonlikdan himoya qilish, ularning huquq va manfaatlarini ta’minlash hamda mahallalarda xavfsiz ijtimoiy muhitni mustahkamlash.