Xalq deputatlari Angor tumani Kengashi 17-Yangi hayot saylov okrugi deputati Sadatov Mustafo tomonidan hududdagi yoshlar bilan ishlash holati o‘rganildi.Mazkur o'rganishda xalq deputatlari tuman Kengashi kotibiyati mudiri M.Yarmatov ham faol ishtirok etdi.O‘rganish davomida Yoshlar yetakchisi Rasulov Begzod tomonidan mahallada jami 1 072 nafar yosh istiqomat qilishi, yoshlarning bandligini ta’minlash borasida tizimli ishlar olib borilayotgani ma’lum qilindi.

Xususan, bandlik dasturi doirasida 17 nafar yoshning bandligi ta’minlangan.Shuningdek, yoshlarning bo‘sh vaqtini mazmunli tashkil etish, ularning intellektual salohiyatini oshirish va jamoaviy faolligini rivojlantirish maqsadida har oyda “Zakovat” intellektual o‘yini muntazam tashkil etib kelinmoqda. Unda 10 ta jamoa tarkibida yoshlar faol ishtirok etmoqda.

Deputat tomonidan yoshlar bilan ishlash samaradorligini yanada oshirish, ularning bandligini ta’minlash, iqtidor va tashabbuslarini qo‘llab-quvvatlash hamda bo‘sh vaqtlarini mazmunli tashkil etish masalalariga alohida e’tibor qaratildi.

✅ Yoshlar — jamiyat taraqqiyotining muhim tayanchi. Ularning har bir tashabbusi va intilishi qo‘llab-quvvatlanishi zarur.