BIRINCHI QO‘NG‘IROQ — YANGI O‘QUV YILI, YANGI ORZULAR!

📚Olmazor tumani "Qichqiriq" MFY hududidagi 233-sonli umumiy o‘rta ta’lim maktabida 2026–2027-o‘quv yilining boshlanishi — Bilimlar kuni munosabati bilan “Birinchi qo‘ng‘iroq” bayram tadbiri ko‘tarinki kayfiyat va o‘zgacha tantanavor ruhda bo‘lib o‘tdi.

🎓 Tadbirda Xalq deputatlari Olmazor tumani Kengashi deputati Umida Fayziyeva, maktab jamoasi, ustoz va murabbiylar, o‘quvchilar hamda ota-onalar ishtirok etdi.

🌟 Tadbir davomida so‘zga chiqqanlar yangi o‘quv yilining boshlanishi bilan barcha ustozlar, o‘quvchi-yoshlar va ota-onalarni samimiy muborakbod etib, yosh avlodga sifatli ta’lim-tarbiya berish, ularning bilim va salohiyatini yuksaltirish borasida amalga oshirilayotgan ezgu ishlarning ahamiyatini ta’kidladilar.

🇺🇿 Ayniqsa, bugungi kunda mamlakatimizda yoshlarning zamonaviy bilim olishi, kasb-hunar egallashi, o‘z iste’dod va qobiliyatlarini ro‘yobga chiqarishi uchun yaratilayotgan keng imkoniyatlar yangi avlod oldiga ulkan maqsadlarni qo‘ymoqda.

🔔 “Birinchi qo‘ng‘iroq” sadosi ostida yangi o‘quv yilini qarshi olgan o‘quvchilarga ilm olish yo‘lida omad, yuqori natijalar va ulkan zafarlar tilandi.

📖 Yangi o‘quv yili barchaga muborak bo‘lsin!

✨ Ilm yo‘lidagi har bir qadam yangi yutuqlar sari boshlasin!