Xalq deputatlari Toyloq tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi a’zosi Bobur Xamrayev Olmazor mahallasida mahalla yettiligi hamda hokim yordamchisi bilan birgalikda aholi bandligini ta’minlash masalalarini o‘rgandi.

O‘rganish davomida O‘zbekiston Respublikasining “Aholi bandligi to‘g‘risida”gi Qonuni (O‘RQ-642-son, 2020-yil 20-oktabr) talablari asosida, xususan, mehnat migratsiyasidan qaytgan fuqarolar, jazoni o‘tab qaytgan shaxslar hamda vaqtinchalik va kunlik mehnat faoliyati bilan shug‘ullanayotgan fuqarolarni doimiy va barqaror ish o‘rinlariga joylashtirish, ularni kasb-hunarga yo‘naltirish va bandligini ta’minlash masalalari muhokama qilindi.

Aniqlangan masalalar yuzasidan mas’ullar bilan hamkorlikda tegishli chora-tadbirlar belgilab olindi.