Xalq deputatlari Toyloq tumani Kengashi kotibiyati mudiri 
N. Mo‘minova hamda Xalq deputatlari Toyloq tumani Kengashining  Korrupsiyaga qarshi kurashish, davlat organlarida ochiqlikni ta’minlash va huquqiy masalalar bo‘yicha doimiy komissiyasi a’zosi
D. Sanayeva tomonidan Navzandak mahallasida yashovchi Xudayqulova Shoxzoda Normamatovnaning xonadonida loyiha doirasida amalga oshirilayotgan ta’mirlash ishlari o‘rganildi.
🤩O‘rganish davomida xonadonni ta’mirlash uchun 60 million 958 ming so‘m mablag‘ ajratilgani, mazkur mablag‘lar hisobidan amalga oshirilgan ishlarning hajmi, sifati va bajarilish holati ko‘zdan kechirildi.
Shuningdek, xonadonga o‘rnatilgan quyosh panelini elektr tarmog‘iga ulash jarayonida kadastr hujjatlari bilan bog‘liq ayrim muammolar mavjudligi aniqlandi.
🤩Aniqlangan masalani bartaraf etish maqsadida tegishli mas’ul tashkilotlar bilan hamkorlikda zarur choralarni ko‘rish, fuqaroga amaliy ko‘mak ko‘rsatish va masalani ijobiy hal etish bo‘yicha tegishli vazifalar belgilab olindi.