#VM_Qarori
Shaharsozlik hujjatlarini ekspertizadan o‘tkazish tartibi O‘zbekiston Respublikasi Vazirlar Mahkamasining 2021-yil 17-sentyabrdagi 579-sonli “Shaharsozlik hujjatlarini ekspertizadan o‘tkazish tartibotlarini takomillashtirish chora-tadbirlari to‘g‘risida”gi qarori bilan shaharsozlik hujjatlarini ekspertizadan o‘tkazish tartiblarini takomillashtirish, ekspertiza jarayonlarini zamonaviy talablar asosida tashkil etish hamda qurilish sohasida shaffoflikni ta’minlashga qaratilgan chora-tadbirlar belgilangan.

Mazkur qaror shaharsozlik hujjatlarining amaldagi talab va me’yorlarga muvofiqligini baholash, loyiha yechimlarining sifat va xavfsizlik talablariga javob berishini ta’minlash hamda ekspertiza jarayonlarini takomillashtirishga xizmat qiladi.

Ekspertiza jarayonida shaharsozlik hujjatlarining to‘liqligi va belgilangan talablarga muvofiqligi o‘rganiladi, loyiha yechimlari amaldagi shaharsozlik normalari va qoidalari asosida baholanadi. Aniqlangan kamchiliklar yuzasidan tegishli xulosa va tavsiyalar berilib, ekspertiza natijalari belgilangan tartibda rasmiylashtiriladi.

Shuningdek, ekspertiza jarayonlarini elektron shaklda tashkil etish, raqamli texnologiyalardan foydalanish, ekspertiza muddatlarini maqbullashtirish, ortiqcha byurokratik tartib-taomillarni kamaytirish hamda ekspertiza tashkilotlarining mas’uliyatini oshirishga alohida e’tibor qaratiladi.

Mazkur tartibning asosiy maqsadi — qurilish obyektlarining qonuniyligi, xavfsizligi va sifatini ta’minlash, shaharsozlik hujjatlarini belgilangan me’yorlar asosida baholash hamda ekspertiza jarayonlarida shaffoflik va samaradorlikni oshirishdan iborat.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube