Xalq deputatlari Qo‘qon shahar Kengashi 26-“Yangi obod” saylov okrugi deputati G.Payg‘amova tomonidan “Turkiston” mahalla fuqarolar yig‘inida saylovchilar bilan uchrashuv hamda hududdagi mavjud muammolarni o‘rganish ishlari olib borildi.

Uchrashuv davomida mahalla fuqarolarining murojaatlari tinglanib, hududni obodonlashtirish va aholi uchun qulay shart-sharoitlar yaratish bilan bog‘liq masalalar o‘rganildi.

Xususan, Maxram ko‘chasida joylashgan ko‘p qavatli uylar oldida bolalar maydonchasini tashkil etish masalasida mahalla fuqarolari tomonidan murojaat qilindi.

Mazkur murojaat deputat tomonidan nazoratga olinib, masalani tegishli tartibda o‘rganish hamda bolalar maydonchasini tashkil etish imkoniyatlarini ko‘rib chiqish yuzasidan Qo‘qon shahar hokimining qurilish masalalari bo‘yicha o‘rinbosariga deputatlik so‘rovi yuborish bo‘yicha kelishib olindi.

Xalq deputatlari Qo‘qon shahar Kengashi