DEPUTAT SAYLOVCHILAR BILAN UCHRASHDI

Xalq deputatlari Samarqand viloyati Kengashining 35-Mirbozor saylov okrugi deputati Y.Jurayev saylov okrugiga kiruvchi Paxtachi tumanining Dabusqal’a mahallasida bo‘lib, mahalla yettiligi hamda fuqarolar bilan uchrashuv o‘tkazdi.

✅Uchrashuv davomida mahalladagi mavjud ijtimoiy-iqtisodiy masalalar, aholi uchun muhim bo‘lgan muammolar va ularni hal etish borasida amalga oshirilayotgan ishlar muhokama qilindi.

📍Shuningdek, deputat mahalla fuqarolarining murojaat va takliflarini bevosita tingladi. Aholi tomonidan bildirilgan masalalar yuzasidan tegishli tashkilotlar bilan hamkorlikda amaliy choralar ko‘rish, murojaatlarning qonuniy va o‘z vaqtida hal etilishini ta’minlash bo‘yicha zarur vazifalar belgilab olindi.

📌Bunday uchrashuvlar deputatning saylovchilar bilan bevosita muloqotini ta’minlash, hududdagi muammolarni joyida o‘rganish hamda ularning yechimiga ko‘maklashishda muhim ahamiyat kasb etadi.