Xalq deputatlari Muzrabot tumani Kengashining Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi a’zosi F.Alimov Kengash kotibiyati bosh mutaxassislari Sh. Shoymardanov va B. Xoliqovlar bilan hamkorlikda tuman veterinariya bo‘limida deputatlik nazorati doirasida o‘rganish ishlarini olib bordilar.

O‘rganish jarayonida 2021-yil 1-aprelda qabul qilingan “Dehqon xo‘jaligi to‘g‘risida”gi O‘RQ–680-son Qonun talablarining tumanda ijro etilishiga alohida e’tibor qaratildi.

O‘rganish maxsus tuzilgan so‘rovnoma asosida tashkil etilib, unda dehqon xo‘jaliklarini tashkil etish va davlat ro‘yxatidan o‘tkazish, elektron reestrni yuritish, yer uchastkalaridan maqsadli va samarali foydalanish, yer munosabatlarida qonun talablariga rioya etilishi kabi masalalar qamrab olindi.

Shuningdek, dehqon xo‘jaliklarida qishloq xo‘jaligi mahsulotlari yetishtirish, hosildorlikni oshirish, mahsulotlarni saqlash va sotish, issiqxona xo‘jaliklaridan samarali foydalanish hamda eksportbop mahsulotlar yetishtirish imkoniyatlari tahlil qilindi.

Dehqon xo‘jaliklarini davlat tomonidan qo‘llab-quvvatlash, imtiyozli kreditlardan foydalanish, urug‘lik, ko‘chat va mineral o‘g‘itlar bilan ta’minlash, sug‘orish suvi hamda qishloq xo‘jaligi texnikasi masalalariga ham e’tibor qaratildi.

Bundan tashqari, xo‘jaliklarning iqtisodiy samaradorligi, yaratilayotgan ish o‘rinlari, ishlab chiqarish va daromad ko‘rsatkichlari, soliq va boshqa majburiy to‘lovlarning o‘z vaqtida amalga oshirilishi, mahsulotlarni sotishdagi mavjud muammolar o‘rganildi.

O‘rganish davomida dehqon xo‘jaliklarining reestri, yer uchastkalarini ajratishga oid hujjatlar, kadastr va statistik ma’lumotlar, kreditlar, sug‘orish-melioratsiya ishlari hamda sohaga oid murojaatlar tahlil qilinishi belgilandi.

Nazorat-tahlil natijalari asosida aniqlangan muammo va kamchiliklarni bartaraf etish, dehqon xo‘jaliklari faoliyatini yanada rivojlantirish bo‘yicha aniq taklif va tavsiyalar ishlab chiqiladi.