Yangi qurilib, foydalanishga topshirilgan Andijon shahridagi 6-oilaviy poliklinika aholiga sifatli tibbiy xizmat ko‘rsatishni boshladi.

Xalq deputatlari Andijon shahar Kengashi deputati Avazbek Appaqov o‘z saylov okrugida joylashgan yangi foydalanishga topshirilgan 6-oilaviy poliklinika faoliyati bilan tanishdi.

Tanishuv davomida poliklinikada yaratilgan shart-sharoitlar, tibbiy xizmat ko‘rsatish sifati hamda aholi uchun yaratilgan qulayliklar ko‘zdan kechirildi.

Deputat tomonidan muassasada aholiga zamonaviy va sifatli tibbiy xizmat ko‘rsatish, fuqarolar murojaatlarini o‘rganish hamda ularning manfaatlarini himoya qilish masalalariga alohida e’tibor qaratildi.

Eng muhimi — aholi salomatligi va munosib tibbiy xizmat ko‘rsatish uchun zarur sharoitlar yaratilmoqda.